من طرف 
اولا
نبدأ حديثنا عن مفهوم الانسان عنّا, فهو البهيم اللي عايش بينا وما في اله
اي اهمية, فالانسان مثله مثل رجل الطاولة, او بالاحرى مثل منفضة السجائر
اللي ريحتها دايما طالعة وكلها وسخ !!!!
ومبدأ حرية............... شكلي اعبي الصفحة نقط واخلص احسن !!!!!
بس
ما علينا, سيبوكوا مني, انا اصلا مش عارف شو بدي, بس خلينا بموضوعنا, حيث
ان علماء السلوكيات المجتمعية والمسؤولون عن الانسان في الوطن العربي ما
الهم دخل بالدنيا, فقررت انا كبني ادم مش عارف مصلحته اني احدد 7 حقوق يجب
ان تتوفر لاي انسان عايش ومش عايش ومش قادر على بعدك واقف هون؟؟؟
(هسهست!), وهذه الحقوق هي:
الحق
الأول (حق المعيشة ) : يعني مشان الله, على قولة ستنا ام كلثوم الله
يرحمها ويكثر من امثال هيفا "خليني اعيش", يعني كيف بدكم تعطوا حقوق لواحد
ميت؟ انه شو اعمله انا؟ مهو ميت!!!!
الحق
الثاني (حق الموت ) : بما اني كنت بنقطة انه شو اعمله اذا مات البني ادم
؟؟؟ فبحب احكيلكم معلومة مهمة, الا وهي التكثير من تعاطي الكاربوهيدرات
حيث انها تزيد من الوزن وتؤدي الى الموت المفاجىء, والاحلى من هيك انها
بتزيد من غباء المرأة, واللي احلى من هاد كله هو اني عملت بحث عن طريق
الجوجل عالكاربوهيدرات بس مشان اجا عبالي ومش عارف اصلا ليش اجا عبالي!
فاللي بده يموت اتركوه يموت, بريحنا اصلا .....
الحق
الثالث ( حق التملك ) : هاد مرّة شب صاحبي عمره 22 سنه وعلى وجه تخرج,
بحكيلي انه اول ما يخلص جامعة بده يشتغل ويشتري سيارة وبيت بضاحية الرشيد,
طبعا اخينا بالله بده يعمل كل هالحكي بخمس سنين مشان بحب بنت وضعها مرتاح
وهو وضعه ماكل روح الخبيزة, فاللي بده يعيش بعالم وهمي ويشتري بيت لازم
نشد على ايده ونكسرها كمان!!!!!!
الحق
الرابع ( حق الابوة ) : هاي النقطة بتعتمد على اللي قبلها, يعني انت عيش
بالعالم الوهمي واشتري سيارة وبيت, واقلك؟ افتح مشروع بنص مليون دينار
والله يوفقك, والله ما انا زعلان, بعدين لما تتجوز القرد بعين امه غزال
جيب ولاد لتقول بس, اصلا هاد اللي احنا شاطرين فيه العرب, نخلف ولاد
ونزتهم للكلبة اللي اسمها ام ولادك (مش حبيبة قلبك؟ مش مرتك؟ لأ, ام
ولادك)!!!!
الحق
الخامس ( حق الحب):هاد مرة واحد حب ... طحنوه ...
ههههههههههههههههههههههههههههههههه , هزلت! يعني انه الشب يحب؟ ماشي... بس
البنت تحب؟؟ لا والله هاي كتير! (طب سؤال صغير يا استاذ احمد, اذا البنت
ما بدها تحب, فمين بده يحب الشب؟ *الجواب*: والله هاي مش مشكلتي يا حذق!)
المهم, كل شخص من حقه يحب (حاسس حالي بعهد وأد البنات وانه البنات لما
يقرؤوا هاي المقالة راح يكرهوني, بس انا بحكي هيك مشان مصلحتكم الخاصة,
اصلا انا صاحبت بحياتي بنات كتير *عرط شباب طبعا*).
الحق
السادس ( حق حرية التعبير ) : ******* مش انه حذف من الرقابة والا اشي,
لأ, اعوذ بالله, بس انه يعني قطعت الكهربا وسبحان الله قاعد برجّ من
ال.... برد, اه الجو برد!******
الحق
السابع ( حق الاكل ) : هاي احلى نقطة بالنسبة الي حيث انها النقطة الوحيدة
اللي عنجد مهتملها, انه بتلاقوني بالبيت يا اخوان جايب حبتين بطاطا, علبة
سردين, بيض مسلوق, ملوخية ورق, بصل مفروم ناعم, باذنجان, برتقال, فلفل
اسود, فلفل احمل, فلفل ازرق, ملح, بهارات الكبسة, زيت زيتون مغشوش, وضمة
بقدونس... طريقة التحضير: نخلط جميع المقادير في طنجرة, نضعها على الغاز
لمدة نصف ساعة, بنروح على اقرب مستشفى وبنوكل الخبيصة على باب
العيادات.... طب انا حر, بدي اوكل ايش ما بدي, شو الكوا عندي؟!؟!؟
ملاحظة
مهمة: انا كتبت هاد المقال بأبو تلت ساعة بس مشان السيد نقولا خوري حب اني
افرجيه انه عندي روح الفكاهة عالي, بس العتب عالنظر......
كان معكم مراسلكم من افغانستان, احمد الخالدي, طلازم.......
